Man Utd យល់ព្រមទិញ Mount ពីក្លិប Chelsea ក្នុងតម្លៃខ្លួន៦០លានផោន

Mason

ក្លិប Manchester United នឹងត្រូវចុះហត្ថលេខាជាមួយនឹងកីឡាករទី១របស់ពួកគេនៅរដូវក្តៅនេះ ក្រោយពីយល់ព្រមទិញ Mason Mount ពីក្លិប Chelsea ក្នុងតម្លៃខ្លួន៦០លានផោន (ស្មើនឹង៧៦លានដុល្លារអាមេរិក)។

ក្លិប Chelsea ដែលកំពុងតែលក់ចេញកីឡាករមួយចំនួនបានទឹកប្រាក់ជិត២០០លានផោន ក្នុងពេលបើកទីផ្សារដោះដូរកីឡាករនៅពេលនេះ ចង់បញ្ចប់រឿងរ៉ាវនៃការផ្ទេររបស់ Mount ហើយការព្រមព្រៀងគ្នាមួយត្រូវបានឈានដល់ក្រោយពីការពិភាក្សានានារវាងក្លិបទាំង២។

Category Top

mount

Man United នឹងបង់ប្រាក់ជាគោលចំនួន៥៥លានផោន បូកទាំងប្រាក់ឧបត្ថម្ភនានាចំនួន៥លានផោនផ្សេងទៀត សម្រាប់ខ្សែបម្រើរូបនេះ ដែលត្រូវបានចាត់ទុកដោយលោក Erik ten Hag ថា ជាគោលដៅចម្បង ហើយនិងត្រូវចុះហត្ថលេខាលើកុងត្រារយៈពេល៥ឆ្នាំ នៅកីឡដ្ឋាន Old Trafford ជាមួយនឹងជម្រើសបន្តកុងត្រារយៈពេល១ឆ្នាំទៀត។ ពួកគេក៏កំពុងតែព្យាយាមទិញអ្នកចាំទី Andre Onana ពីក្លិប Internazionale ផងដែរ ខណៈដែលអ្នកចាំទីរូបនេះ ក៏ធ្លាប់បានធ្វើការជាមួយនឹងលោក Ten Hag ផងដែរ ពេលលេងឲ្យក្លិប Ajax។

Mount វ័យ២៤ឆ្នាំរូបនវ នឹងផុតកិច្ចសន្យានៅឆ្នាំក្រោយ ហើយរូបគេបានបញ្ជាក់ថា រូបគេមិនមានបំណងក្នុងការបន្តកុងត្រាថ្មីឡើយ៕

ប្រភពព័ត៌មាន៖ Channel News Asia

«ដើម្បីទទួលបានព័ត៌មានកីឡាថ្មីៗ សូមចុច Like ឬ Follow ផេក keila24»

«សូមកុំខកខាន ហាងឆេងភ្នាល់កីឡា ល្អបំផុតនៅ 188BET»

អត្ថបទទាក់ទង
ព័ត៌មានថ្មីៗ
អត្ថបទពេញនិយម