ត្រៀមជួបប៉ាគីស្ថាន ជម្រើសជាតិកម្ពុជាចាប់ផ្ដើមហ្វឹកហាត់ជាមួយកីឡាករ ២៧នាក់

ក្រុមបាល់ទាត់ជម្រើសជាតិកម្ពុជា បានចាប់ផ្ដើមប្រមូលផ្ដុំហ្វឹកហាត់ ដើម្បីត្រៀមការប្រកួតពានរង្វាន់បាល់ទាត់ពិភពលោក FIFA World Cup 2026 វគ្គជម្រុះជុំទី១ ជាមួយក្រុមជម្រើសជាតិប៉ាគីស្ថាន នាសប្ដាហ៍ក្រោយ ។

Category Top

ការប្រមូលផ្ដុំហ្វឹកហាត់ថ្ងៃដំបូងនេះ ធ្វើឡើងនៅទីលានកម្ដៅសាច់ដុំ នៃពហុកីឡដ្ឋានជាតិមរតកតេជោ បន្ទាប់ពីសហព័ន្ធកីឡាបាល់ទាត់កម្ពុជា បានបង្ហាញបញ្ជីឈ្មោះបឋម ដែលមានកីឡាករ ២៧នាក់ កាលពីថ្ងៃទី០២ ខែតុលា ឆ្នាំ២០២៣ ។

 

សម្រាប់កីឡាករដែលត្រូវបានលោក Felix Dalmas គ្រូបង្វឹកក្រុមជម្រើសជាតិកម្ពុជា កោះហៅប្រមូលផ្ដុំហ្វឹកហាត់លើកនេះ រួមមានសមាជិកក្រុមព្រះខ័នរាជស្វាយរៀង ៣នាក់ មានកីឡាករ សឿយ វិសាល, ថេឡរ ឌឿន នីកូឡាស និងអ្នកចាំទី វីរៈ ដារ៉ា និងភ្នំពេញក្រោន ៤នាក់ មានកីឡាករ អ៊ន ចាន់ប៉ូលីន, យ៉ើ ម៉ូស្លីម, ជួន ចាន់ចាវ និង លឹម ពិសុទ្ធ ។

 

សមាជិកក្លិបបឹងកេត ៥នាក់ មានកីឡាករ ចាន់ វឌ្ឍនាកា, កាន់ ពិសាល, វ៉ាន់ តៃឡាម៉ី, ចន្ថា ចន្ទាកា និង តាំង ប៊ុនឆៃ ។ ណាហ្គាវើលដ៍ ៣នាក់ មានកីឡាករ គួច សុកុម្ភៈ, សុះ ស៊ូហាណា និង ឈង់ ប៊ុនណាត ។ វិសាខា ៩នាក់ មានកីឡាករ រ៉ឺង ប៊ុនហៀង, កែវ សុខសិលា, ស៊ិន សុផាណាត់, អ៊ុក សុវណ្ណ, ហ៊ុល គឹមហ៊ុយ, ទេស សម្បត្តិ, សារ ទី, ស រតនា និង ស៊ិន សុវណ្ណមករា និងសមាជិកក្រុមព្រៃវែងម្នាក់ គឺកីឡាករ គង់ លីហ៊ួរ ។ រីឯម្នាក់ទៀត គឺកីឡាករ សៀង ចន្ធា ដែលកំពុងប្រកបអាជីពនៅលីគទី២ កាតា ។

 

គួរដឹងថា ក្រុមគោព្រៃកម្ពុជា មានពេលប្រមូលផ្ដុំហ្វឹកហាត់ ១០ថ្ងៃ មុនបើកទ្វារផ្ទះទទួលក្រុមជម្រើសជាតិប៉ាគីស្ថាន ក្នុងជើងទី១ នៃវគ្គជម្រុះពានរង្វាន់ FIFA World Cup 2026 ជុំទី១ នាល្ងាចថ្ងៃទី១២ ខែតុលា ឆ្នាំ២០២៣ នៅពហុកីឡដ្ឋានជាតិ(ស្ដាតអូឡាំពិក) មុនការប្រកួតកាត់សេចក្ដីជើងទី២ នៅទឹកដីប្រទេសប៉ាគីស្ថានវិញ នាថ្ងៃទី១៧ ខែតុលា ឆ្នាំ២០២៣ ខាងមុខ ៕

 

«ដើម្បីទទួលបានព័ត៌មានកីឡាថ្មីៗ សូមចុច Like ឬ Follow ផេក keila24»

«សូមកុំខកខាន ហាងឆេងភ្នាល់កីឡា ល្អបំផុតនៅ 188BET»

ព័ត៌មានថ្មីៗ
អត្ថបទពេញនិយម